Papiamentu
For di djamars 14 di aprel 2026, 51ste landmachtcompagnie a kuminsá un treinen militar na Boneiru. E unidat, ku ta stashoná na Korsou, ta ehekutá e entrenamentu komo parti di nan preparashon pa tareanan operativo.
E treinen no solamente ta sirbi pa mantené militarnan den bon kondishon, pero tambe pa nan por sera konosí ku e ambiente lokal i fortifiká e kolaborashon ku outoridatnan i servisionan ousiliar na Boneiru.
Durante e periodo di entrenamentu, e militarnan ta hospedá na klup di scouting na Rincon i ta realisá diferente ehersisio na vários sitio. Entre e lugánan menshoná tin Plantashi Bolivia, área di kosta na Washikemba i kancha di tiramentu na Washikemba.
Na e lugánan akí, e ehérsito ta hasi uso di munishon lòs durante ehersisio di tiramentu. Esaki no ta munishon di berdat, pero hendenan den bisindario por tende zonido di tiru de bes en kuando.
Outoridatnan ta pidi abitantenan i bishitantenan pa tene kuenta ku e aktividatnan militar i pa sigui tur instrukshon ku ta vigente na e áreanan menshoná, pa asina garantisá seguridat di tur hende.
Kargando komentarionan...