Djaluna 8 di yüni, alrededor di 2.55 or di mardugá, a detené un hòmber di inisial F.G.J.J. di 26 aña di edat den ‘Centrumgebied’. Un patruya a konstatá ku e sospechoso tabata manehá ku velosidat haltu i a dun’é señal pa para pa un kòntròl. Despues a hasi un tèst di supla kuné i a resultá ku el a konsumí mas alkohòl ku ta pèrmití pa lei. El a haña prohibishon di manehá pa 6 ora.

Djaluna 8 di yüni, alrededor di 1.40 or di mardugá, a detené un hòmber di inisial M.J.B. di 23 aña di edat riba Kaya Korona. Un patruya a konstatá ku e sospechoso tabata kore zeilu ku su skuter i a dun’é señal pa para pa un kòntròl. Durante kòntròl a hasi un tèst di supla ku e sospechoso i a resultá ku el a konsumí mas alkohòl ku ta pèrmití pa lei. El a haña prohibishon di manehá pa 1 ora.

Djadumingu 7 di yüni, alrededor di 3.50 or di mardugá, a detené un dama di inisial B.v.d.H. di 33 aña di edat riba Kaya Amsterdam. Un patruya a mira dos skuter riba e kaya menshoná di kua un di nan tabata mustra komportashon sospechoso di manehá. Ademas e pasahero no tabatin un hèlm bistí. Pa e motibu aki a duna e shofùr señal pa para pa un kòntròl. Durante kòntròl, e shofùr tabata mustra diferente karakterístika di un persona ku ta bou di influensia di alkohòl. A hasi un tèst di supla kuné i a resultá ku el a konsumí mas alkohòl ku ta pèrmití pa lei. A konfiská reibeweis di e sospechoso i e pasahero a haña but pa no tin hèlm bistí.

Djadumingu 7 di yüni, alrededor di 2.55 or di mardugá, a detené un hòmber di inisial R.A.D. di 44 aña di edat riba Bulevar Gobernador N. Debrot. Un patruya a duna e shofùr señal pa para pa un kòntròl rutinario. Ademas a hasi un tèst di supla kuné i a resultá ku el a konsumí mas alkohòl ku ta pèrmití pa lei. El a haña prohibishon di manehá pa 5 ora.

Djadumingu 7 di yüni, alrededor di 2.10 or di mardugá, a detené un hòmber di inisial D.T.L.T. di 19 aña di edat riba Kaya Lodewijk D. Gerharts. Un patruya a konstatá ku e sospechoso tabata manehá ku velosidat haltu i peligroso. Pa e motibu aki a dun’é señal pa para pa un kòntròl. Durante kòntròl e no por a mustra un reibeweis bálido ni dokumentunan di seguro bálido. Ademas e tabata mustra diferente karakterístika di un persona ku ta bou di influensia di alkohòl. A hasi un tèst di supla kuné i a resultá ku el a konsumí mas alkohòl ku ta pèrmití pa lei. El a haña prohibishon di manehá pa 3 ora. Tambe e lo haña but pa e infrakshonnan menshoná.

Djasabra 6 di yüni, alrededor di 1.50 or di mardugá, a detené un dama di inisial S.P.G.P. di 23 aña di edat riba Kaya Korona. E sospechoso tabata enbolbí den un aksidente ku solamente daño material. Konforme e maneho di ‘botsen is blazen’, a hasi tèst di supla kuné i a resultá ku e sospechoso tabata bou di influensia di alkohòl. A detené i el a haña but pa manehá sin reibeweis. 

 Djasabra 6 di yüni, alrededor di 1.55 or di mardugá, a detené un hòmber di inisial A.M. di 41 aña di edat riba Kaya Nikiboko Sùit. E sospechoso tabata enbolbí den un aksidente entre dos outo na altura di e krusada di Kaya Nikiboko Sùit i Kaya Monsigneur Nieuwindt. Pa falta di duna preferensia, e vehíkulonan a a dal den otro di kua un di nan a bòltu i keda riba su banda. Konforme e maneho di ‘botsen is blazen’, a hasi tèst di supla ku ámbos shofùr i a resultá ku e sospechoso tabata bou di influensia di alkohòl. Ambulans a transportá ámbos shofùr pa hòspital pa kòntròl médiko i despues a detené e sospechoso. A konfiská su reibeweis.

A transportá tur sospechoso pa warda di polis pa kontinuá ku e trámitenan korespondiente. Aki nan lo haña un prosèsferbal tambe.

Advertisement