Entidat Públiko Boneiru a anunsia ku un parti di Kaya Soeur Bartola, na altura di hospital, lo sera temporalmente pa rekonstrukshon. E trabounan lo kuminsá djaluna 23 di mart 2026, 09:00 or i lo dura aproksimademente 8 siman.

Fundashon Mariadal ta kontinuá ku trabounan rònt di e hospital, kual ta inkluí kambionan temporal den akseso i infrastruktura. E trabounan ta tuma lugá den diferente fase:

• Fase 1: trabounan na Kaya J.E. Nicolas, ku a finalisá ku éksito.
• Fase 2 i 3: lo kuminsá na Kaya Soeur Bartola riba djaluna 23 di mart 2026 i ta kalkulá ku lo dura mas o ménos 2 luna.

Durante e trabounan, e kaya lo keda aksesibel solamente pa tráfiko di destinashon. Rutanan pa pashèntnan, hospital, i pòst di dòkternan ta mantené seif, ku desvia tráfiko i rutanan pa kana indiká.

Medidanan temporal:

• Fase 2 (entrada prinsipal te SEH): no ta posibel pa parker dilanti di hospital ni botika; persona inbálido por uza un drop-off temporal na entrada parti nort; ruta di ambulans ta disponibel pa emerhensianan.

  

• Fase 3 (Botika te T-kruising Top Supermarket): parker dilanti di Botika no ta posibel, pero lo ta posibel pa parker dilanti di hospital; ruta di ambulans ta mantené; vehíkulonan di karga mester usa porta grandi parti nort.

  

E trabounan ta parti di un proyekto kontinuo pa mehorá infrastruktura rònt di hospital. Entidat Públiko Boneiru i Fundashon Mariadal ta gradisí tur usuario di e kaya pa su pasenshi, koperashon i komprenshon durante e trabounan.

Advertisement