Papiamentu
Polis ta investigando dos kaso separá di ladronisia di vehíkulo ku a wordu reportá den último dianan.
Djaluna 15 di yüni, un keho a drenta tokante ladronisia di un pikòp ku tabata stashoná na Kaya Prinses Marie. E vehíkulo den kuestion ta un Toyota Hilux di kolo bèrdè skur ku plachi di number V-1299. Polis a kuminsá un investigashon pa lokalisa e vehíkulo i determiná ken ta responsabel pa e ladronisia.
Den un otro kaso, Djadumingu 14 di yüni, polis a risibí un keho di ladronisia di un skuter. Ta trata di un Kymco Agility di koló shinishi ku plachi di number MF-1868. E skuter tabata stashoná riba un sitio di stashoná vehíkulo na altura di un establesimentu di hóreka riba Kaminda di Lac na momentu ku el a wòrdu hortá.
Polis ta sigui ku investigashon den tur dos kaso.
Kargando komentarionan...