Papiamentu
Kantante boneriano Jurnick Clarenda a logra un gran triunfo ganando Festival Kanto Krioyo 2026. Ku esaki, el ta pone su nòmber fuerte den historia di músika lokal logrando un dòbel triunfo den aña 2026 ganando tantu komo Festival di Tumba komo Festival Kanto Krioyo.
Na inisio di e festival, e organisashon a duna informashon tokante kriterianan ku lo keda usá pa evaluá presentashonnan den e festival. Segun e splikashon, huradonan lo enfoká riba diferente elemento durante nan evaluashon. Esaki nan ta inkluí letra i kontenido di kantika, melodia, presentashon riba tarima, i tambe entonashon i artikulashon.
E kuerpo di hurado pa e edishon di e aña aki a konsistí di presidente Christopher Frans, huntu ku miembronan Jubela Balentien, Rosalba Figaroa, Rudbela Sint Jago, Marian Sint Jago, Wilbert Pourier, Boi Janga i Linden Leito.
Na final di anochi, e festival a yega na su klaimax kaminda a anunsiá e ganadó apsoluto. Jurnick Clarenda a gana Kanto Krioyo 2026 ku su komposishon “Mi ta kita mi sombre pabo” kompañá pa e banda JC & Friends. E kantika ganadó tin letra i melodia komponé pa Xemio Jacobs.
Prome finalista a resultá di ta Jonathan Clarenda i di dos finalista Edson Frans.
Kargando komentarionan...