Papiamentu
Miembro di e fundashon nobo; Fundashon komité di konmemorashon pasado di sklabitut, Nolly Oleana, a kompartí detaye tokante e fundashon ku a wòrdu lanta aña pasá komo parti di inisiativa di Ministerio di Asuntunan Interno i Relashon di Reino (BZK). E fundashon tin komo meta pa duna mas atenshon na e historia di sklabitut i su efektonan den komunidat.
Segun señor Oleana, e inisiativa ta enfoká riba investigashon, edukashon i konsientisashon tokante pasado di sklabitut, spesialmente den Karibe Hulandes. E fundashon lo traha huntu ku skolnan, organisashonnan kultural i otro instansia pa pone e tema mas visibel i stimulá diálogo den komunidat.
Mas aleu señor Oleana a indika ku ta importante pa mantené e historia bibu, pa asina generashonnan nobo por komprondé mihó unda nan ta bini for di dje i kon e pasado a forma e sosiedat di awe. Tambe lo tin proyektonan i aktividatnan dirigí riba rekonosementu i reflekshon.
E fundashon ta parti di un trayekto mas amplio di gobièrnu Hulandes pa trata e pasado di sklabitut ku mas atenshon i responsabilidat. Na Boneiru, e komité lokal lo yuda koordiná aktividatnan i asegurá ku e komunidat ta envolví den e proseso.
Kargando komentarionan...