Según e diputado di finansas Anthony Weber, durante un reunión resiente entre e, CFT, Gezaghèber i e tim di finansas di OLB, nan a presentá un “nota van wijziging” kaminda a kumpli ku tur e rekisitonan ku CFT a pidi. E resultado tabata hopi positivo: CFT a mustra aprobashon pa e kambionan nesesario ku nan pidi den nan karta di 12 di mart i a indiká ku nan lo emití un konseho faborabel. Esaki ta un paso importante pa asina e Konseho Insular por duna su bisto bueno final.

College financieel toezicht den un karta manda 12 di mart, mas o menos un siman promé ku e mehorashon, pa presidente di Kolegio ehekutivo Sr. John Soliana, a kritiká fuertemente e maneho finansiero di Openbaar Lichaam Bonaire, indikando ku e informashon finansiero pa “nota van wijziging” pa e di kuater kuartal di 2025 no ta sufisientemente konfiabel ni verifikabel pa hasi un evaluashon bon fundá.

Advertisement

Segun Cft, Boneiru ta bai den direkshon di un défisit provishonal di 15.4 mion dòler, pero no tin klaridat sufisiente riba e motibonan di esaki ni e kambionan den entrada i gastu. E rapòrt di ehekushon tambe no a wòrdu integrá bon den e promé konsepto di kambio di presupuesto pa 2026.

Cft ta pidi mas transparensia i splikashon, inkluyendo un presupuesto di varios aña mas kla, un hustifikashon di tur kambionan, i korekshon di erornan den kuentanan. E meta ta pa mihó maneho finansiero i restablesé konfiansa den proseso di presupuesto.

Dokumento añadí: