Papiamentu
Djarason mainta, 10 di yüni, alrededor di 4or di mardugá, polis a detené un hòmber di inisialnan R.A.T.M. (22) riba Kaya Gilberto F. (Betico) Croes pa sospecho di manehá bou di influensia di alkohòl.
Segun polis, un patruya a para e vehíkulo despues ku a opservá ku e tabata manehando sin lus sendé. Durante e kòntròl, e shófur a mustra diferente señal ku ta indiká ku e persona tabata bou di influensia di alkohòl.
Polis a hasi un tèst di supla, ku a indiká ku e sospechoso a konsumí mas alkohòl ku ta permití segun lei. Komo resultado, el a keda detené i a wòrdu transportá pa warda di polis pa investigashon i trámitenan korespondiente.
Ademas, polis a konfiská e reibeweis di e sospechoso. Tambe A entreg’é un prosès-verbal relashoná ku e infrakshonnan kometí.
Kargando komentarionan...