Papiamentu
Benito Dirksz a ekspresá ku e ta konsiderá “hopi lamentabel”, krítikanan ku a surgi riba desishon pa Jennifer Mohamedjoenoes fungi komo diputado.
Mohamedjoenoes, kende ta diputado nobo pa frakshon UPB, ta responsabel pa áreanan manera finansa, impuesto, ekonomia, turismo i bibienda. E nombramentu a generá reakshon den komunidat i den esfera polítiko, ku algun komentario bastante krítiko riba e desishon.
Dirksz, sin embargo, a sali i defendé e nombramentu, indikando ku e krítikanan no ta hustifiká i e diputado nobo tin kapasidat pa asumí responsabilidatnan grandi ku e kartera ta trese.
Sigun konsehal Dirksz ta lamentabel ku tin tantu kritiká, riba un desishon ku a wòrdu tuma pa benefisio di Boneiru i ku ta importante pa duna e diputado oportunidat pa demostrá su kapasidat den e funshon.
E deklarashon di Dirksz ta bini den un momento kaminda e Kolegio Ehekutivo nobo ta den proseso di organisá su maneho i implementá su plan di gobernashon. El a hasi un yamada pa mas union i sosten den komunidat pa e diputado nobo.
Ku esaki, Dirksz ta re afirmá su sosten pa e tim i su konfiansa den nombramentu di Mohamedjoenoes komo parti di e proseso pa fortalesé gobernashon riba e isla.
Kargando komentarionan...